კაილი ჯენერმა Kylie Cosmetics-ის ახალი ბლაში ფოტოსესიით წარადგინა, რომლის სახე თავად ჯენერია. ფოტოებში კაილის ქართველი დიზაინერის, გიორგი ქებურიას მოდის სახლის მაისური აცვია, 2025 წლის გაზაფხული/ზაფხულის კოლექციიდან.
ეს პირველი შემთხვევა არ არის, როცა გიორგი ქებურიას კოსტიუმები მსოფლიო ვარსკვლავებზე ვიხილეთ. KEBURIA-ს მოდის სახლის სამოსი სხვადასხვა დროს მოირგეს ისეთმა ცნობილმა ადამიანებმა, როგორებიც არიან ჯიჯი ჰადიდი, პერის ჰილტონი, მაილი საირუსი და სხვები.
2025 წლის თებერვალში KEBURIA-მ პირველად წარადგინა კოლექცია საერთაშორისო მოდის კვირეულის ფარგლებში –მისი დებიუტი ლონდონის მოდის კვირეულზე შედგა. ქებურიას ექსპერიმენტული, ავანგარდული და ამავდროულად რომანტიკული ხედვა კოლექციაში საინტერესოდ გამოვლინდა.